I de frühne Morgenstund bringed si Jesus zum Pilatus.
Als römische Statthalter unter de Regierigsziit vom Kaiser Tiberius het de Pontius Pilatus z entscheide, wer zum Tod verurteilt und wer frei glah wird.
De Pilatus isch bekannt als strenge Herrscher. Wo Jesus vor ihm staht, fragt er ihn: „Bisch du de König vo de Jude?“ Jesus bestätigt: "Du sagst es: Ich bin ein König. Dazu bin ich geboren. Ich bin gekommen, um der Welt die Wahrheit zu bringen." (NLB Johannes 18, 37)
Während de Pilatus uf em Richterstuhl sitzt, bechunt er e Nachricht vo sinere Frau: „Lass d Finger vo dem Maa, er isch unschuldig. Ich ha wege ihm hüt Nacht en schreckliche Traum gha.“
Es isch üblich dass mehr am Passahfest en Gfangene frei laht. De Pilatus git em Volk d Uswahl, ob si de verurteilti Mörder Barabbas oder de friedliebendi Jesus frei wend ha.
De Pilatus gaht use zum Volk.
D Mengi schreit: „Lass de Barabbas frei, de Barabbas frei...und...
De Pilatus gseht i, dass er nüt meh für Jesus cha tue, er nimmt en Krug voll Wasser und leert de i e Schüssel. >>>Wasser in Schüssel giessen
Vor de ganze Mengi wäscht er sich demonstrativ sini Händ >>> Hände waschen